Pidato perayaan 17 Agustus 2022
Assalamualaikum Warrahmatullahi Wabarakatuh
Sawati bu la mada kaso karongga pidato ainai na ake
La Mada kaso ma patu wau ta
Aina ntanda ni'i ba one wa'ura na'e
Kawaraku ai aka na ma da sama bune ake
Ntanda mpa dou bune ama ro dua
Mori dei ade dunia waraku tani ro neo na
Ka na'e mpa sarome ba tanda syukur kai ndai di ruma
La mada kaso ma raho bantu aka ita doho kaso ta sara’a na weki
Mai ndai ta sama-sama ta rentaku kata merdeka tolu kali
Merdekaaaa…!!
Merdekaaaa…!! Merdekaaaa…!!
Wati wara di renta ba ndai ta ma saramba na, ede du di roi ra wadi ba ndai ta wara na ndai ruma ma na’e ro ma tenggo ro mangau. Ma mbei na ndai ta sara’a tenggo ra wale ara mori ndai di dunia. Ma mbei ja ndai tenggo sarumbu ma taho, di ru’u kai ndaita eda angi ara hidi ma taho ake.
Ma ka dua kaina, wati ja nefa ba ndaita shalam ro sholawat ta renta wea ba ndai ta di ru’u nabi Muhammad SAW, ma wau ja ra danda ro tei na ndaita aka ncai ma iha ro rindi ma lao aka ncai ma taho ro taroa, ta raho sama ndaita syafaat ma taho di sara’a na umat nabi Muhammad SAW.
La mada Kaso kaco’i weaku
Ita doho ta ina ro ama mada Guru-guru mada doho ta
Panitia-panitia kegiatan ake ta.
Intina Mada kacoi weaku Sara’a na weki ita doho kaso ma mai ainai na ake
Ita doho kaso ta sara’a na Guru labo weki ndai lenga cina ro angi, ai nai na ake karawi ro kalampa ba ndaita perayaan 17 Agustus 2022. Ede di ru”u kawara kai ba ndaita jasa ompu ra waro, ba bende ra baboa ndaita ma waura katesa na penjajah dan ma weha kemerdekaan di ru’u negara indonesia ndaita.
Takade’e renta mada ta, sanai ake pidu mpuru pidu mba’a ntoina, bendera ndaita ma kala ro bura labo rawa perjuangan ndaita na eli la lio-lio sara’a, ede du tanda kai ndaita waura mori sanaa ro merdeka
Ma perlu di bade sama kai ba ndaita, judulna HUT ma kapidu mpuru pidu sanai ake ede du “ Taho ipi roci Tu’u ipi tenggo” Judul ake na receku sara’a na weki ndaita ede du di ru’u ndadi dou ma tenggo ma ro ngina labo ruku ro rawi, ta sama kai weki sato’i ka tenggo weki tu’u ma ta
Lenga cina ro angi sesama ana sakola ake, ndai sara’a na weki ede du di ma kandutu ro ka rongga sa ore pahuna kane’e ba dou ma kemerdekaan negara ndaita. Ngge’e pu katenggo ro wale ta tana’o mena, aina sampe mbora na ade woha ncai. Ngge’e pu ndai mena ake ma lambe ro ma tuwu aona perjuangan dou doho ma ntoi-ntoina
Ta ade to’i mada ma ipi dei, tarahoku di ndaina ruma, Mbei to’i na tenggo ro wale. Ari mai ba ede rau ta, ndaita ta sama-sama ta tamba ro kamboto wali meci ro ca’u ta negara indonesia. Lenga doho cina ro angi, wati wara tugas ndaita ma ipi penti ari mai ba tana’o ro tana’o wali. Ede mpa ma penti di ru’u ba ndaita. Au wati si deka tana’o ndaita, na sa wancu ipi poda ku di rugi ndai ta, di ru’u ma lanjut kai perjuangan negara indonesia ake ta
Sandake wa’u pa di karongga ba la mada kaso dei ai nai na ake, ngge’e pu semangat sama-sama tana’o, ta karawi sama menaku, ta semangat lampa sama-sama di ru’u taho kai ta negara indonesia ake ta. Wara si nggahi ra eli la mada kaso ma ncara ro ma kancaru, la mada kaso ma raho kangampu dei ade mpida ma ipi dei ta ..
Santabe Ta
Merdeka…!!
Merdeka…!!
Merdeka…!!
Waassalamuaalaikum Warrahmatullahi Wabarakatuh
@ADRIAN_PUTRA
#SMPN 14 KOTA BIMA
Luarbiasa Nak, terus dikembangkan lagi bakat menulisnya
ReplyDelete