Cerita Bahasa Bima
Assalamualaikum Warrahmatullahi Wabarakatuh
Sawati bu la mada kaso karongga mada cerita mbojo ma lucu
La Mada kaso ma patu wau ta
Aina ntanda ni'i ba one wa'ura na'e
Kawaraku ai aka na ma da sama bune ake
Ntanda mpa dou bune ama ro dua
Mori dei ade dunia waraku tani ro neo na
Ka na'e mpa sarome ba tanda syukur kai ndai di ruma
La mada ma cerita wauta
Wara tolu mbua cerita di karongga ba la mada ta
ededu, saramba na, Cerita wunga ngaha fo’o, Kadua kaina cerita pa’e ba niwa,
Ma ka tolu kaina cerita ncara weli sabu.
Bune aina re, la mada re wara di ne’e ku cerita dei ai nai na ake, ede du cerita Ngaha fo’o labo lenga doho aka sakolah
Mada wunga lu’u dei kantin, wara lalo lenga mada ma ouku
La cici ku ngarana
Sia ke na receku mada ngaha fo’o
Nggahi kanari wali ku di mada re
Fitriaa, mai ta lao ngaha fo’o
Wara ja ku fo’o de ro cici ro (sodi bu mada)
Wara wa’a ba nahu ke dua mbua (cambe kai bu la cici)
De wara ja wa’amu sia saha ciciro (sodi kai bu mada)
Wara ni fitriaa, pala masako pu ra wa’aku ke (cambe kai bu la cici)
De be ku saha re cici ro (cambe kai bu mada)
Wara saha ka ni, pala ngguda ba kepala sekolah ta ari mai sakolah (cambe kai bu la cici)
Wau ba ede lao kaina mada labo la cici ngupa sama saha ari mai sakolah
Ngupa bu mada doho saha de, wati wara edaku sahaa
Edaku de patahaa, kan wati ja lucu na
Ngaha mangonco kani patahaa
Mada ma ne’e sodi aka ita doho, loa ngaha mangoco kani pataha?
Watiloankannnn
Ngaha fo’o wati si kani sahaaa
wati caru na ibu-ibuee
Cumpu kai na mada doho ngaha samaa
De ngaha poda kai ra fo;o re kani pataha labo masako
Wara walipu cerita madake ma ka dua kaina, kade’e katahopu
Ta rugita wati si kade’e cerita mada
Laina bune cerita-cerita cinta aka
Na lai bune felem suara hati istri rau ja na
Pas mada dula sakolah
Lenga mada ke mai ara uma
La cici ku ngarana
La cici de ra bale na fo’o
Pala hina na niwa
Mai sia de ara uma mada mai sodi kai ku lo’i
Assalamualaaikum (salam la cici)
walaikumsalam, na bune kai ta, santabe ta lu’u ta (cambe kai bu mada)
Fitria, nahu ke pa’e bu niwa si cinaee (ngahi la cici)
Ma bau cicie pa’e kai bu niwa nggomi de
Ndake si cinaee
Nahu ke ra bale ku fo’o, pala hina na niwa, niwa wali de pala na pa’e waliku si nahu de
maja ade ku nahu ke cinae, au ku di lo’i kai ke (nggahi la cici)
Wara lo’i kai nahu ke, pala pupu nomor upa (nggahi mada)
De be mpa ra cinae, ma penti re taho pahuku
Iraaaee rumaaeee nahu si ma waura kani skincare ma nggali co’i na
Wau ba ede waura kani lo’i pupu nomor upa lo’i kai pahu la cici re
Nggoripu ede la cici lao sakolah ai ma sidi re
Lengana ma weha labo fo’o re
Sodiku, be ku pahumu de cici rapa’e ba niwa de
Wati wara na nahu pa’e ba niwa
Malum wa’u si tete ba lo’i ma nggalide na mbora ni
Sawa’u ba ede mada rau ja lao sakolah ai ma sidi
Eda lalo ku sia doho dua ma nuntu pa’e ba niwa pahu la cici
Mada re ringa kanari ku nuntu sia doho de
Ngahi ra mada wunga nuntu sia doho dua re
Au dee laina tete kai na lo’i ma nggali pahu la cici re
Ceim au ra kani na pupu nomor upa lo’i kai pahu la cici de
Nggomi ke loa asam fitria da loa ja mu jaga rahasia nahu (cambe kai la cici)
De auku ceritamu aka lenga nggahi ja mu lo’i ma manggali
Sedangkan pupu ra lo’i kai pahu nggomi de co’i na tolu riwu
Wau ja ra nggori cerita pa’e ba niwa de
Dula ra mada aka sakolah
Assalamualaikum
Walaiakumsalam (cambe kai ba sa’e mada)
Ee ariku mai weli dou ja pu sabu nahuke
Ka kai lalo ba sa’e ku
Wa si ne’e nde na re na ou lalopu kai ari
Wati si wara ne’e nde na ou nggao kai la fitriaaaaaa
Sama pu labo ita doho re bapak-bapak
Wara si ne’e mu de na nuntu ka taho di weim
Wati si wara di ne’e ne na cambe katoku ku aka weina
Edeee ita doho de ibu-ibue aina hariii
Samampa ita doho de ibu-ibu
Wara si ne’e ta rahi nde, na caru ku sarome ro talana
Wati wara di ne’e re, ka kabongu ku ke na
Nggoripu ede lao ra mada aka kios re
Assalamualaikum
Walaikumsalam (cambe ba dou ma ntau kios)
Mada ne’e weli sabun ta (sodi kai bu mada)
Sabun au ana (sodi kai ba dou ma ntau kios)
Sabun ma ntau busa (cambe bu mada)
Endo da sabun na anaee, pala sabun au ku, wara sabun bom, wara daia, wara Rinso, wara sabun sika kai WC. ore si sabun ke ana, malum ma ntau busa ke ana (cambe kai ba dou ma ntau kios)
Kombisi nggahi amania mada re sabun ma wara busa
Nggori pu ede ibu ma ntau kios mbei na sabun bom
Wau ba ede dula ra mada aka uma, wa,a kai ra sabun bom de
Assalamualaikum….
Walaiakumsalam…. (cambe kai bu amania mada)
Ake sabun babae,,
Wi’i ta ede (nggahi amania mada)
Wa,u ba ede mada lao mpa’a
Kanggica batu ba amania mada
Eee fitriaaaaaaeeee… (kanggica batu ba amania mada)
Kaeee ma bau wali ka rumaeee, kanggica kai na kai
Kombiii e kalau kade’e wauku kombi na wara bune-bune kai ka
Rongga kai ra mada aka uma
Kaeeee, kau bu nahu weli sabu ma wara busa, na weli kai bu sabun bom (nggahi Amania mada)
Ando da sabun si baba, ore si pahu sabun ma ntau busa de (cabe kai ba mada)
Ede ku ita doho re ibu-ibue
Kade’e katahopu ka kai bu dou de
Ai ba da ncara weli
Aina batu bune mada ake
Sandake wau mpa di cerita ba mada
Ncihi ro kancaru mada mohon maaf
Wassalamualaikum Warrahmatullahi Wabarakatuh
@FITRIATUN RAMADANI
#SMPN 14 KOTA BIMA
Comments
Post a Comment